Клуб Матица

Традиција и квалитет од 1991 со над 55.000 верни читатели.

Нашата приказна

Матица македонска е основана во 1991 година, 45 дена пред референдумот за самостојност на Република Северна Македонија. Нејзин основач и сопственик е поетот Раде Силјан. Како една од првите приватни компании од областа на културата во Македонија, започна со неколку наслови од македонското културно наследство и етнологија..

Наша мисија.

Нашата мисија е да го негуваме македонското книжевно и културно наследство и да ја поттикнеме љубовта кон книгата и знаењето.

Квалитет и традиција.

Квалитетот и традицијата се темелите врз кои ја градиме нашата репутација. Секое издание носи грижа за деталите, почит кон авторот и посветеност кон читателот.

Наше наследство.

Од првите изданија до денес, Матица е чувар на македонскиот дух и културен идентитет. Продолжуваме да градиме вредности што ќе траат и во иднината.

Клуб Матица

35 Години Матица македонска

Со гордост одбележуваме 35 години успешно работење и придонес кон македонската книжевност и култура

55,000

Верни читатели

35,000

Книги на залиха

11,000

Автори

4,800,000

Продадени книги

Нашите продавници

Булевар Климент Охридски бр. 23
Скопје, Македонија

02 3 221 138

Понеделник-петок 8-21ч.
Сабота 9-16ч.

Ѓуро Стругар бр. 13
Скопје, Македонија

02 3 226 652

Понеделник-петок 8-21ч.
Сабота 9-16ч.

Тестамент

Татко со години
Ја криеше тајната
За богатството наше

Но кога си замина
Од земниот свет
Во ковчегот стар
Со катинар затворен
Ни оставил писмо
Во кое пишуваше
Кога ќе градиме нова куќа
Да внимаваме на аголните камења

И кога решивме на старите темели
Да изградиме ново живеалиште
Машки засукавме ракави
Првин покривот го урнавме
Потоа ѕидовите
И на крај дојдовме до темелите

Ги најдовме аголните камења
А меѓу нив земјен ќуп
Скапоцена реликвија

На поклопчето пишуваше:
Три дена и три ноќи
Да не го отвораме ќупот

По тој среќен миг
Три дена и три ноќи
Мечтаевме за скриеното азно

Сонувавме бисерни ѓердани
И златни монети

Четвртиот ден
В рани зори
Кога го отворивме капакот
Во големиот земјен ќуп
Го најдовме тестаментот

На јагнешка кожа
Со крупни букви
Татко ни завештал
Чувајте ги тапиите
Од лозјата и нивите

Раде Силјан

Раде Силјан

Раде Силјан (род. 1950, с. Жван, Демир Хисар) е истакнат македонски поет, есеист и книжевен дејател. Дипломирал на Филолошкиот факултет при Универзитетот „Св. Кирил и Методиј“ во Скопје. Работел како новинар и уредник во повеќе медиуми, а подоцна бил главен уредник на Третата програма на Македонското радио и генерален директор на издавачката куќа „Македонска книга“. Тој е основач и директор на „Матица македонска“, една од најзначајните издавачки куќи во земјата.

Член е на ДПМ од 1982 година и двапати бил негов претседател. Активен е и во меѓународната книжевна сцена: член е на Македонскиот ПЕН центар, на Сојузот на литературните преведувачи, како и на академиите „Михај Еминеску“ (Романија) и Славјанската академија (Бугарија).

Автор е на бројни поетски и есесистички дела, а неговите книги се преведени на повеќе од 18 јазици, меѓу кои англиски, руски, турски, грчки, италијански и полски.

Види ги сите

›