Избрани драми – Том 2

Националната нарација има значајно место во творештвото на Стефановски. Свесен за значењето на приказната, тој е свесен за уште една, исто така значајна работа: дека не може да ја сакате нацијата, дека не може да ја конструирате нејзината приказна, доколку во неа, приказната, не ги ставите и доброто, значајното, креативното, но и она на кое треба да се работи, да се подобри и да се надгради. Нарацијата ќе ни помогне во моментите на културна траума, но само ако колективот е доволно силен да ги види и да ги чуе двете страни на приказната. А Горан Стефановски го прави токму тоа.