За мајките сѐ најдобро

Јас сум мајка.
Решив да напишам книга.
За себе.
Па, кој друг ако не јас?
Велат дека мајките се најглавни, а тоа никаде не се гледа.
Ве молам, набројте ми романи во кои мајката е најважна!
Едвај ќе ви текне.
И ако се сретнат во некое поглавје, тие обично готват.
Претежно, многу се досадни.
Речиси сите големи писатели ги заобиколиле. А и оние малите.
Затоа, многу, силно, исклучително и страшно се налутив и решив да пишувам за себе.
Можеби, малку и за другите, ако бидат добри.