Филетизам или проклетство

Големобугарскиот шовинизам е „жестока болест на Бугарија“. „Не патриотизам и родољубие, туку бесен национализам, трансформиран во манија за величие на една земја во тројна, спротивна пропорција на секој нејзин потенцијал, со злоба кон сè небугарско, со патолошки територијални и национални аспирации, со чудовишно угнетување на националните малцинства внатре во неа. Издигнат во ранг на национална политика, на национална свест и психа, така да се каже – во начин на живеење на сите генерации, тој десетици години беше фундамент на буржоаска Бугарија. По паѓањето на монархијата би било нормално да се очекува дека во еден подолг или пократок период со него ќе биде завршено… Меѓутоа, спротивно на секаква логика, тоа не се случи… Анализиран преку сите негови пројави, шовинизмот слободно може да се нарече бугарска идеологија.“