Секоја басна е кратка приказна за две или повеќе животни: за лисицата и грозјето, за жабата и зајакот, за лавот и глушецот… за секое животно по нешто! Во секоја басна има и нешто поучно за читателот, затоа што секоја басна ја отсликува вистината за животот. Басните се читаат не еднаш, туку повеќепати, се прераскажуваат во секојдневниот живот, ги прикажуваат позитивните морални вредности и лесно се помнат. Децата ќе ги раскажуваат со помош на илустрациите.
Во басните не секогаш доброто со добро се враќа, но ако правиш добро, надевај се со добро да ти вратат. Во секоја басна има добри и лоши особини на јунаците. Одлучете се за добрите особини за да бидете среќни!