Вистината е како водата. Секогаш ја менува својата форма во зависност од садот во кој ќе ја ставиш.
Силвио Лупарело, еден од највлијателните љуѓе во гратчето Вигата, е пронајден мртов во својот автомобил, со спуштени панталони, во озлогласениот дел од градот што го користат проститутки и дилери на дрога.
Како што се шири веста за неговата смрт, почнуваат да се шират и спекулациите. Медицинскиот извештај е категоричен: природна смрт, но комесарот Монталбано ја продолжува истрагата уште два-три дена. Со својата карактеристична мешавина од хумор, цинизам, сочувство и љубов кон добрата храна, решен е да се избори против моќните и корумпираните, кои со разни сплетки му го блокираат патот до вистината. Но и кога ќе ја открие, тој дел од неа ќе задржи за себе…
„Или го сакате Андреа Камилери или сè уште не сте го прочитале. Да живеат Камилери и Монталбано!“ А. Џ. Фин, автор на бестселерот Жената на прозорецот
„Со своето творештво, Камилери остави длабока трага во современата италијанска литература, создавајќи уникатен свет во кој јазикот, иронијата и човечноста се спојуваат во препознатлив авторски универзум.“ Радица Никодиновска