Добрите навики се клуч за целиот успех. Лошите навики се отклучена врата за неуспехот.
Со помош на десетте принципи за успех, некогашниот сиромашен камилар Хафид станал најголемиот трговец на светот. Пред да го заврши својот земен пат, тој го чека следниот наследник на свитоците и ги споделува со луѓето древните тајни и богатството што го стекнал со нивна помош.
Во овој необичен роман проткаен со библиски мотиви и световни вредности, Ог Мандино на луциден начин ја пренесува својата навидум едноставна порака во која се крие вековна мудрост. Кратка, но исклучително инспиративна книга за личен развој, за љубовта и упорноста што водат до успех во секоја животна област – успех кој не е случаен и не е резултат на среќа, туку на дисциплина и посветено работење.
Класичен водич кој веќе половина век е еден од најголемите светски бестселери. Откриј ги и ти древните тајни за успех во бизнисот и примени ги мудростите од овие свитоци за да живееш подобро и побогато.