Истрагата на суровите убиства што ја води детективот во Одделот за убиства, Џ.Д.Фицпатрик ќе го одведе до вратата на медицинскиот патолог, доктор Луси Траск. Ниту детективот, ниту докторката не знаат зошто таа го привлекла вниманието на убиецот. И додека се обидуваат да откријат, мртвите тела продолжуваат да се натрупуваат, а Луси може да стане следна застрашувачка жртва во низата.
И додека се откриваат страшните детали за злосторствата на убиецот, полека почнува да зоврива и привлечноста меѓу патологот и детективот Фицпатрик. Меѓу тајните кои секој од нив ги крие и професионализмот што мора да го задржат, на прв поглед изгледа неверојатно дека Луси и Џ.Д.Ф можат да развијат љубовна врска. Минатото на Луси, кое се заканува да и` ја уништи иднината со Џ.Д. и решителноста на злосторникот да ја изврши одмаздата до крај ја исполнуваат секоја страница со драма што ги смрзнува коските.
