Едно мајско утро во 1664 година на свет доаѓа едно преубаво девојче. По игра на судбината на нејзиното раѓање присуствува еден млад кралски мускетар, кој е заслепен од нејзината убавина, ја нарекува Маргерита и и‘ дава едно ветување…Ветување кое нејзината мајка Жана е решена да се претвори во вистина.
Жана одлучува со сите сили да се бори нејзината ќеркада живее пристоен живот и еден ден таа да танцува на кралскиот бал. Со раѓањето на малата Маргерита започнува семејната сага за четири генерации на одлучни жени чии судбини се поврзани со замокот во версај и со сите политички игри кои се водат таму. Секоја од овие жени: Маргерита, Јасмина, Виолета и Роза се посебни и значајни на свој начин, а нивните цврсто изградени ликови го прават овој роман дело за паметење.
