Телефонскиот повик, навидум вообичаен, беше само почеток. Една вознемирена мајка пријави дека нејзиниот шеснаесетгодишен син Рогер Ериксон не се вратил дома, а полицијата во Вестерос не стори ништо во првите денови, верувајќи дека момчето тргнало во потрага по забава во главниот град. На крајот на краиштата, беше тинејџер. И веруваа во тоа се’ до мигот кога неговото осакатено тело исплива во блиското мочуриште во Листашар. Во неговите гради недостигаше срцето.
Ритуално убиство ли е ова?
Тоа беше мигот кога требаше да се повика најдобриот – Себастијан Бергман, полициски и криминалистички профајлер, специјалист за сериски убијци. Тој е вдовец чија загуба го прогонува, не му дава сон и му ја грци десната дланка во тупаница. Човек чија новооткриена тајна ќе го принуди да стане дел од истрагата, зашто нишките на измамата нежни како пајажина набрзо ќе му го обземат целото внимание…
