Александар Македонски

Историскиот роман за македонскиот цар со светска слава за сите времиња, напишан од бугарската писателка Јана Јазова (1912-1974) во 1943-1944 година. Бугарската литературна критика го оцени за најдобра романизирана биографија за Александар Македонски што е објавена во светот.
Јазова на маестрален начин ја раскажала историјата на најпознатиот македонски цар и најголемиот војсководец на сите времиња. Таа изградила комплексна структура на делото со која се зафатени сите значајни аспекти на неговото време, на неговиот живот, на неговиот поход и воопшто на неговата немирна природа. За подготовка на романот, во 1935 година, Јазова престојувала во Египет, Палестина, Сирија, Турција и Грција, минувајќи по голем дел од патот на походот на големиот македонски цар.