Миша Вајнберг е син на 1238-от на листата милионери во Русија. Значи богат, но истовремено арогантен и забавен тип кој себеси обично се споредува со Принцот Мишкин од Идиот на Достоевски. Овој образовен и словенски меланхоличен јунак, 12 години престојувал во Америка каде студирал и се забавувал. Но, во Русија неговиот татко, мафиоз убил некој бизнисмен од Оклахома. Американската администрација не заборава и како пример го казнува Миша со тоа што не му дозволува повторно да дојде во САД. А, во Њујорк се наоѓа сето она што му значи: начинот на живот, саканата жена, соништата за иднината.
Миша смета дека тој заслужува виза за Америка затоа што таму потрошил големи милиони, а не бара азил како сиромашен Мексиканец., кој илегално ја минува јужната граница заедно со сета покуќнина и поширокото семејство, или како некој Чеченец што веданш почнува субверзивно да се организира. Очаен, се обидува прво да купи државјанство од некоја земја со која САД немаат визен режим. По долги обиди, тоа му успева кај Белгијците…Дали ќе успее да го оствари сонот и да се врати во својот огромен апартман во Менхетен?…
