Од болка во вратот страда секој втор возрасен човек! Колку болката во вратот е проблем од начинот на живот, толку е и последица од стареењето, од трошењето и од дегенерацијата на дискот или последица од артритис. Часовите поминати зад работната маса и недостатокот од физички активности се основни причини за тоа. Исто така и лошото држење на телото, неудобната положба во текот на спиењето и, секако, реакцијата на стресот, тензијата предизвикана од емоционалните состојби…
Книгата опишува превентивни и корективни постапки, вклучувајќи и вежби кои се соодветни за одржување на оптималната сила и на виталната состојба на вратот. Претставени се и сите алтернативни методи за надминување на болката во вратот. Фокусот е ставен на будење на свеста на поединецот, на превенциите и на опциите за лекување. Оваа информација е витална за исполнет и активен живот на секој возрасен човек.