Книгата „Кодификаторите на македонскиот јазик“ на проф. д-р Димитар Пандев е научно и културно сведоштво за личностите, делата и идеите што го обликуваа македонскиот стандарден јазик. Преку историскојазични согледби, анализа на нивниот научен багаж, улогата на Комисијата за азбука и правопис, книжевни омажи и хрестоматија на текстови од кодификаторите, книгата дава целосна слика за едно од најважните поглавја во современата македонска културна и национална историја.
Ова е книга за јазикот како темел на националното постоење, за личностите што со знаење, со визија и со посветеност го кодифицираа македонскиот јазик, и за трајното значење на нивното дело.