Напредокот и развојот на човекот во голема мера зависат од дарбата за пронајдоци.
Имав брат кој беше исклучително талентиран – еден од оние ретки феномени на човековата природа коишто биолошките истражувања не успеаја да ги објаснат. Неговата многу рана смрт ги направи неутешни моите родители.
Уште од самото раѓање, мене ме определија да бидам свештено лице и таа помисла постојано ме тиштеше. Копнеев да станам инженер, но татко ми беше мошне упорен.
Јас никогаш не брзам кон практичната работа. Штом ќе ми се појави некоја идеја, веднаш почнувам да ја развивам во мојата имагинација. Ја менувам конструкцијата на направата, ја усовршувам и таа работи во моите мисли.