ПОСЛЕДНАТА ПРОЛЕТ ВО ПАРИЗ

Една сосема обична старост и рутинска новинарска задача ќе ги спои судбините на две непознати жени. Марија Колчак, штитеничка на санаториумот во Тулон, ќе и’ ја раскаже на Олга Лашез, новинарка во угледен париски весник, трагичната приказна за својот живот. Емигрантската судбина од царска Русија, мрачниот свет на шпионажата, верноста на идеологијата, лагите , демоните од минатото – ја откриваат вистината за животот на една старица чија верба во љубовта била голема колку и нејзината болка. Каде е границата на вистината и како да се пронајде храброст да ја прифатиме и вистински да се запознаеме самите себеси? Дали лагата е доволно лековита ако вистината е сурова? Во играта на судбината единствениот влог е љубовта…