Што би направиле денес, ако утре дојде крајот на светот?
Дали би се вратиле во минатото за да ги кажете вистинските зборови?
Во токиското кафуле Фуникули фуникула над сто години се служи внимателно сварено кафе. Но малкумина ја знаат неговата тајна. Дека неугледното кафуле со необична збирка часовници им нуди на своите гости уникатно искуство – можност да патуваат низ времето, да се сретнат со некој од минатото или од иднината.
За тоа неверојатно и по малку ризично патување постојат неколку услови: гостинот или ликот со кој сака да се сретне мора веќе да бил во кафулето, треба да седне на одредено столче од кое не смее да стане и мора да се врати во сегашноста пред да му се олади кафето што му е сервирано од специјален бокал…
Во овој трет дел од серијалот Пред да се излади кафето, Кавагучи нè потсетува на важноста на заедницата и начинот на кој јавните простори стануваат места во кои луѓето можат да се здружат и да се поддржуваат. Со своите препознатливи, трогателни ликови и топло раскажаните нови приказни, тој нè повикува да ги преиспитаме своите чувства и постапки и да се запрашаме: би промениле ли нешто доколку можевме да патуваме низ времето?