Содржината на оваа книга е – свесно или несвесно – позната од самиот почеток на светот. Моите истражувања ми донесоа сознанија дека сè штетно во животот е последица од човековата глупост и слабост. Знаењето на законите на природата – а незначителен дел од тоа знаење е пренесено на страниците на оваа книга – е неуништливо.
Не ја оставајте оваа книга настрана, каде што глувците ќе ја изгрицкаат нејзината корица. Пишаниот збор на нејзините страници останува неуништлив, а вие можеби ќе сакате да си ги освежите спомените на неа. Затоа, книгата ставете ја на место каде што вие, вашето семејство и вашите пријатели ќе можете да ја видите, па можеби ќе сакате да извлечете некаква корист од некои зборови, реченици или од цели страници, кои ви ги препорачав.
Не заборавајте дека со зборување го повторувате она што го знаете. Со читање и со пишување многу често можете и нешто памтетно да научите.
Празната кутија прави голема врева ако во неа има само едно камче, но ако е полна, таа е тивка и тешка. Тоа важи и за човековата глава.