Дрската насмевка на еден маж во виорот од музика, пијалак и песна ќе биде доволна за целосно да и‘ го измени животот. Таа му се предава неочекувано и ја открива длабочината на страста каква не можела ни да замисли. Отстапува од се‘ во што верувала дотогаш за да биде блиску до него. А, потоа годишните времиња почнуваат да се менуваат, децениите да минуваат, времето да исчезнува меѓу украдени средби. Таа живее очекувајќи. И до крајот на животот нема да посака никој друг освен него.
Запри, срце е приказна за живот проникнат со тајна долга четири децении. Напишана е моќно, возбудливо и потресно. Жарот, копнежот, спојувањето што ги брише границите на телото, страста што фрла се‘ под нозе, на страниците на оваа книга се беспоштедно вистинити. А, хероината на оваа книга, која жешките раце на еден случаен маж засекогаш ја оттргнуваат од судбината, е вистинска жена.
