Романот „Живот во гроб“ досега има над педесет изданија на грчки јазик, преведен е на многу јазици и е најиздаваниот, најпопуларниот и најчитаниот роман во грчката литература.
Напишан е во форма на писма, испраќани до саканата девојка од фронтот во близина на Битола, под падините на Пелистер за време на Првата светска војна. Изобилува со прекрасни лирски описи за лични и војнички чувства, на убавината на природата, доживувањата и страдањата на војниците и грозотијата на војната и претставува голем антивоен роман.