Дејвид Брукс, еден од водечките американски писатели и коментатори, во оваа книга истражува како треба да им посветуваме внимание на другите, како активно да слушаме, да водиме исполнети разговори и да развиваме емпатија за да ги зајакнеме односите и да го направиме разбирањето на другите наш начин на живот.
Внимателно осмислена, книгата се потпира на лекции од психологијата, невронауката, историјата, уметноста и филозофијата за да ни помогне да растеме како личности и да градиме цврсти врски со другите, засновани на меѓусебно разбирање и прифаќање.
Во време обележано со чувство на фрагментираност и несигурност, оваа книга може да биде лек за општеството што се распаѓа и поттик да ги пронајдеме мудроста и чувството за морална цел преку сочувствителен пристап кон другите.