Џејсон Борн. Дејвид Веб. Две имиња за два различни животи од ист човек. Најсовршеното оружје кое ЦИА некогаш го создала за да го улови Карлос Шакал. Некогашни соперници, сега веќе се во години, но старите конфликти и омразата останале. Сè започнало одамна, во Виетнамската војна. Тогаш е создадена организација која сега е многу поснажна бидејќи ги собрала најбогатите и најмоќните луѓе од воените кругови и светот на крупниот капитал. Кога ќе се вклучи и мафијата, сè укажува на тоа дека Дејвид Веб – Џејсон Борн е присилен на конечна пресметка со сите; со минатото, со себе, а најмногу со најопсесивниот непријател, Карлос Шакал… Бидејќи не е загрозен само неговиот живот. Во животна опасност се и неговата жена и деца и најблиските пријатели на кои им должи сè што има.
Во овој возбудлив роман, од самиот почеток следиме една напната приказна која нас ќе нè одведе до митскиот Новгород, легендарниот руски центар за обука на врвни агенти…