Ќерката на едно влијателно семејство и нејзиниот пријател исчезнуваат за време на прошетка во планината. Првичните сомнежи се киднапирање чија цел е изнуда, но по три дена сè уште нема барање за откуп. Кога Леоноре Аскер, натпросечно интелигентна и снаодлива инспекторка од Малме, пристигнува во малото изолирано планинско место, целта ѝ е едноставна – да ја открие вистината.
Во меѓувреме, во напуштен автомобил оставен покрај патот е пронајдено телото на исчезнатиот млад човек, а во макета на железница, изградена во клуб за железничко моделарство во соседство, се појавуваат морничави човечки фигурини – меѓу нив и минијатурни двојници на исчезнатите момче и девојка.
Со помош на својот пријател од детството, Мартин Хил – предавач по архитектура и страстен љубител на урнатнини и напуштени згради – Лео Аскер тајно продолжува да ги следи трагите на случајот. Наскоро и станува јасно дека зад киднапирањата стои човек со патолошка потреба да господари над туѓите животи, да ја контролира секоја судбина и да стане – крал на планината.